Jimco, Juun 13, 2025 (HOL) - Shan xisbi siyaasadeed oo dhawaan isdiiwaangaliyay oo kala ah Xaqsoor, Samadoon, DPC, Ramaas, iyo Dhulka Hooy ayaa si taxadar leh u soo dhaweeyay hindisaha wada tashiga qaran ee uu soo jeediyay madaxweynaha Soomaaliya.
War-murtiyeed wadajir ah oo ay soo saareen dhinacyada oo ay hogaaminayaan wasiirradii hore, waxay ku muujiyeen rabitaankooda ka qaybgalka, laakiin waxay qeexeen shuruudo muhiim ah si loo hubiyo in geeddi-socodku yahay mid la aamini karo oo waxtar leh.
Xisbiyadaan ayaa ka dalbaday in Madaxweynuhu cadeeyo wada hadaladaan yihiin gorgortan siyaasadeed oo rasmi ah oo u dhexeeya dawladda iyo mucaaradka, kaas oo looga gol leeyahay in lagu xalliyo ismari waaga dastuurka iyo doorashada.
Sidoo kale waxa ay soo jeediyeen in la sameeyaa guddi farsamo oo wadajir ah si ay u habeeyaan ajandaha, waqtiga, iyo ka qaybgalkooda Shirka wadatashiga ee Madaxweyne Xasan Sheekh uu iclaamiyay horaantii Bishaan June.
Xisbiyadu waxay ku nuuxnuuxsadeen in buuxinta shuruudahan ay lagama maarmaan u tahay abuurista jawi la aamini karo iyo in la helo natiijooyin macno leh sida ay ku xuseen war murtiyoodkooda.
Halkaan Hoose ka akhriso War Murtiyeedka axsaabtaan ay maanta soo saareen:-